Ginahatag na ni Department of Justice Sec Menardo Guevarra ang katungdanan sa director general sang nasambit nga ahensya ang pag imbestiga sa pagpanagtag sang Social Amelioration Program sa nagkalain-lain nga lugar sa pungsod.
Nagpasalig man ang natungdan nga mahatagan sang prayoridad ang pag-imbestigar sa mga reklamo may kaangtanan sa nasambit nga programa.
Sa pagpaathag ni Guevarra, kinahanglan nila unahon ang imbestigasyon sang pagpanagtag sang cash aid bangud imbolbado diri ang kwarta para sa mga kubos nga mga Pilipino.
Sa subong nagdangat na sa 23 ka mga barangay officials ang nagapangatubang sang kaso sa Department of Justice kag may yara naman sang apat ka napasakaan na sang kaso sa Philippine National Police samtang padayon man ang ila case build up sa 110 ka mga opisyal sang barangay sa nagkalain-lain nga bahin sang pungsod.
