Liwat nga wala ginbaton ni Department of Justice Sec. Menardo Guevarra ang nominasyon sa Korte Suprema.
Ini na ang ika-duha nga beses nga wala ginbaton ni Guevarra ang nominasyon sa iya sa Korte Suprema bilang Associate Justice of the High Court sa pagpanguna ni Retired Associate Sandiganbayan Justice Raoul Victorino.
Sa sulat nga ginpadala ni Guevarra kag Victorino, iya ginpahayag nga mas ginakinahanglan siya subong sang Department of Justice ilabi na nga may ginapangatubang nga krisis ang pungsod tuga sang coronavirus disease 2019.
Sang Nobyembre 2019, gin-nominate man ni Victorino si Guevarra sa Korte Suprema apang wala niya ini ginbaton bangud palangga pa niya ang Department of Justice.
