Nagtukod sang task force si Department of Justice Secretary Menardo Guevarra nga maga imbestiga sa alegasyon sang mga anomaliya kag korapsyon sa Philippine Health Insurance Corp. (PhilHealth).
Kasunod sang mandu ni Presidente Rodrigo Duterte, si Guevarra ang mangin pinuno sang task force kag ini ang ginalakipan sang Office of the Ombudsman, Commission on Audit, Civil Service Commission, kag Office of the President.
Magapangayo man sang suporta kag bulig ang Task Force PhilHealth sa National Bureau of Investigation kag Anti-Money Laundering Council.
Ang task force ang may katuyuan nga mag usisa sang mga ginapalab-ot nga anomaliya sa state health insurer kag regional offices sini, pagpadasig sang imbestigasyon kag special audit kag pag eksamin sang IT system sang PhilHealth.
Magapatigayon man ang task force sang lifestyle checks sa mga personnel sang PhilHealth kag lantawon ang ila financial transactions.
Mahimo man nga makapasaka sang administrative kag anti-graft cases ang task force kag makapa-suspende sang personnel sa ahensya kun kinahanglananon.
