MANILA– Pagamanduan ni Justice Secretary Menardo Guevarra ang Department of Justice Cybercrime nga makig-angot sa National Bureau of Investigation kag Philippine National Police, tuhoy sa paglinapta sang madamo nga dummy account sa social media platform nga facebook.
Suno kay Guevarra, nagakahangawa siya sa nagakatabo bangud, wala nagakinahanglan ang publiko sang mga sala nga impormasyon sining tion sang pandemya.
Pahayag pa ni Guevarra, luyag niya mahibaluan kun ngaa kadasig naglinapta ang duman ka damo nga mga fake accounts,
Una nga nagpahayag sang ila pagka alarma ang University of the Philippines bangud sa mga fake accounts sa diin ginagamit ang ngalan sang ila mga estudyante, matapos ang ginpatigayun nga hublag protesta sa campus grounds sang UP Cebu nga nagresulta sa pagkadakop sang pito ka mga estudyante.
Nagpahayag man sang pagkabalaka tuhoy sa ila cybersecurity ang mga estudyante sang De La Salle University matapos nakaangkon sang blank facebook profiles ang ila mga estudyante kag ginagamit man diri ang ila ngalan.
