ILOILO CITY – Ginkumpirma ni Justice Secretary Jesus Crispin Remulla nga nagpositibo ini sa Coronavirus disease 2019 (COVID-19) .
Suno kay Remulla, nagpaidalom ini sa COVID-19 test sang Huwebes, Hulyo 7.
Dugang pa niya, sa subong, mild symptoms lang sang virus ang iya nga nabatyagan kag naka-isolate tubtob sa pito ka adlaw.
Kung matandaan, gin-anunsiyo sang Malacañang nga nagpositibo sa COVID-19 antigen test si Presidente Ferdinand “Bongbong” Marcos Jr. sang Hulyo 8.
Kaangay ni Remulla, mild gid lamang ang nabatyagan nga sintomas ni Marcos.
