ILOILO CITY- Wala pa sang desisyon si anay Iloilo 4th District Representative Ferj Biron kon magabalik ini sa pulitika sa 2022.
Sa interview sang Bombo Radyo kay Biron, iya ginpahayag nga ang iya paglibot sa iya distrito sang nagligad nga semana kasunod sang iya pagpauli halin sa 10 ka bulan nga pagtinir sa Manila ang kabahin lang sang iya pagpangamusta.
Suno sa anay kongresista, apisar nakigkita siya sa mga kaaalyado niya, wala sila sang naistoryahan tuhoy sa pulitika.
Nagpasalig naman ang anay opisyal nga apisar isa na siya ka pribado nga indibidwal, padayon man ang iya pagbulig sa 4th district.
