Nagapanawagan sang bulig ang pamilya sang isa ka Filipino doctor nga makit-an ini kasunod sang natabo nga flash floods sa Nepal nga nagpatay na sang ginatos ka mga turista kag mga residente.
Sa post ni Chiara Manalo, nagpakilala ini nga utod ni Juan Carlos Manalo, 30-anyos, nga wala nila na-contact halin sang Agusto 26, 2026.
Ginpahayag sini nga nagbyahe ang iya utod kaupod sa Isha Sadghuru group sa ila Kailashyatra tour.
“The group’s last known whereabout was at the Immigration Office at Gyirong,” suno kay Manalo.
Dugang sini, tuman kabudlay para sa ila pamilya sang nabalitaan nila ang trahedya, kag labi nga nagtaas ang ila pagkahangawa bangud wala pa gihapon nakapakig-angot sa ila ang iya utod.
“Receiving and seeing the news about the catastrophe has been very difficult for us. We humbly ask to include him in your prayers, that he may return to us safely soon. If you can connect us to any appropriate agency who may be able to coordinate with Nepal authorities and assist with the ongoing search operations, please reach out to us. We would be eternally grateful,” dugang sini.
Nahibaluan nga nalakip na ang amo nga Filipino doctor sa mga gin-lista sang Tourism Department of Nepal nga reported missing kasunod sang flash floods sa Nepal-China border.
