Ginatun-an sang Department of Labor and Employment nga himuon P6,000 ang standard salary sang mga kabulig sa sulod balay.
Suno kay Department of Labor and Employment Sec. Silvestre Bello III, kun indi masarangan sang employer nga baydan ang kabulig sang P6,000, mas maayo nga indi na lang ini magkuha sang kabulig kag sila na lang ang maghimo sang mga ulubrahon sa sulod balay.
Gin-athag ni Bello nga proposal pa lamang ang nasambit nga kantidad apang nagapati ini nga bastante naman ang P6,000 para sa mga kabulig.
Dugang pa sang natungdan, kada tuig may yara sang wage adjustment apang mas manami kuntani kun alalangay na ang sweldo sang mga kabulig sa bilog nga Pilipinas.
