ILOILO CITY-Magahatag sang cash assistance ang Department of Labor and Employment para sa informal sector workers nga apektado sang Coronavirus Disease 2019 (COVID-19).
Sa interview sang Bombo Radyo kay Department of Labor and Employment 6 Spokesperson Niezel Sabrido, iya ginpahayag nga ang mga benipesyaryo sang Tupad Barangay Ko, Bahay Ko program ang makabatun sang P395 per day nga sweldo sa sulod sang 10 ka adlaw.
Suno kay Sabrido, nagalaum siya nga madamo ang maga-apply bangud madamo ang naapektuhan sang untat-trabaho sa probinsya sang Iloilo.
Ginpahayag ni Sabrido nga ang tagsa ka Local Government Unit ang kinahanglan nga magpasa sang letter of intent, work program kag listahan sang mga benepisyaryo.
Indi na mahimo nga makabaton sang nasambit nga cash assistance ang mga nakabatun na sang P5,000 nga ayuda gikan sa Department of Labor and Employment kag ang mga nakabaton sang bulig gikan sa Department of Social Welfare and Development kag Department of Agriculture.
