Nagpanawagan ang Department of Labor and Employment (DOLE) Region 6 sa mga job seekers nga magtambong sa Labor Day Job Fair sa Robinsons Place Iloilo sa Mayo 1, 2025.
Sa interview sang Bombo Radyo kay Atty. Sixto Rodriguez Jr., Regional Director sang DOLE Region 6, iya ginpahayag nga may yara sang 8,033 job vacancies samtang lima naman ang overseas employers ang magatanyag sang 916 vacancies.
Suno kay Rodriquez, apisar sang nasambit nga mga numero, ginalauman sa gihapon sang ila talatapan nga malapawan ini.
Ginalantaw man sang talatapan nga mahimo pa maglapaw sa 10,000 jobs or vacancies ang i-offer sang Job Fair ilabi na nga madamo ang employers ang nagpakita sang interes sa amo nga kahiwatan.
