Magapatigayon ang Department of Labor and Employment (DOLE) – Western Visayas sang public consultation matapos na-classify nga valid ang gin-file nga petisyon sang isa ka grupo sa rehiyon nga nagahingyo nga pasakaan ang daily minimum wage sang mga trabahador.
Ang nag-file sang wage hike petition amo ang Fishta Union of Employees for Reforms Through Solidarity Actions (Fuersa-Super) samtang ang nagtumod naman nga valid ang petition amo ang Regional Tripartite Wages and Productivity Board (RTWPB).
Sa interview sang Bombo Radyo kay DOLE Region VI director Atty. Sixto Rodriguez. Jr., iya ginpahayag nga may gin-presentar ang grupo nga certification nga nagapakita nga rehistrado sila sa idalom sang Bureau of Labor Relations.
Bangud ginadalian man ini nga bagay bangud sang ginasuprer nga epekto sang oil price crisis sa subong nga panahon, maga-isyu ang DOLE sang public notice agud nga mapatigayon na ang public consultation.
May inisyal nga impormasyon nga i-conduct ang public consultation sa Iloilo sa Abril 11.
Antes sini, sa separado nga interview sang Bombo Radyo, ginpahayag naman sang business sector nga alang-alang pa subong nga pasakaon ang daily minimum wage sang mga trabahador bangud amo pa lang amat-amat nga nagabangon ang mga negosyante umpisa sang ginbalda ang business sector bangud sang Covid-19 pandemic.
