ILOILO CITY – Nag-apelar ang Department of Labor and Employment sa mga negosyante nga temprano pa nga ihatag ang 13th month pay sang mga empleyado.
Suno kay Labor Secretary Beinvenido Laguesma, ini agud nga mas mapatemprano man ang pag-budget sang mga empleyado para sa nagahilapit nga paskwa.
Ginpahayag sang tiglikom nga wala sang exempted sa paghatag sang 13th month pay bangud nga nakasaad ini sa layi.
Nagapati man ang Employers Confederation of the Philippines nga makapa-ayo sa ekonomiya kun temprano pa nga mahatag ang 13th month pay sang mga mamumugon.
Basi sa layi, ang mga employers ang may tubtob sa Disyembre 24 pa agud nga maghatag sang amo nga benepisyo.
