ILOILO CITY – Nagpaathag ang Department of Labor and Employment (DOLE) sa pag-recall sa labor attache sa Hong Kong nga ginaprotestahan karon sang overseas Filipino workers (OFW) sa nasambit nga lugar.
Ginpahayag ni Labor Secretary Silvestre Bello III sa interview sang Bombo Radyo Iloilo nga likom sa ihibalo sang mga OFW sa Hong Kong, ginreklamo si Labor Attache Jalilo dela Torre sang kurapsyon.
Paathag sang tiglikom, matapos mabaton ang reklamo batok kay Dela Torre, nagpadala ini sang team sa Hong Kong agud imbestigaran ang opisyal kag ginrekomenda sang panel nga i-recall ang labor attache.
Suno kay Bello, ang pag-recall kay Dela Torre ang kabahin sang proseso agud mapasabat ini sa akusasyon batok sa iya.
Apisar naintyindihan ang sintimyento sang mga OFW sa Hong Kong, ginpanawagan ni Bello sa mga OFW sa Hong Kong nga hulaton ang resulta sang imbestigasyon.
Nagapati naman si Sec. Bello nga posible si Dela Torre man ang nagasulsol sa mga OFW nga magprotesta agud indi mapahalin bilang labor attache.