ILOILO CITY – Temporaryo nga ginsirado ang talatapan sang Department of Labor and Employment Region 6 lakip na ang Iloilo Field Office kasunod sang pagpositibo sa COVID-19 sang isa ka empleyado.
Sa interview sang Bombo Radyo kay Niezel Sabdrido, tagpamaba sang Department of Labor and Employment Region 6, iya ginpahayag nga nag-umpisa ang lockdown sang Agosto 28 kag ini ang magalawig tubtub sa Setyembre 3.
Suno kay Sabrido, ang COVID-19 positive nga empleyado ang ginkuhaan sang swab sample sang Agosto 21, nagapabilin nga asymptomatic kag naka-quarantine na.
Ginpahayag ni Sabrido nga sa subong, naka work from home ang mga empleyado bangud nga padayon pa ang disinfection sa opisina.
Agud nga indi maapektuhan ang trabaho sang ahensya, ginpahayag sang natungdan nga per batch lang ang pagpakuha sang swab sample para sa COVID-19 test sang mga empleyado.
