Ginmanduan ni Department of Labor and Employment (DOLE) Secretary Silvestre Bello III ang Regional Tripartite Wages and Productivity Boards (RTWPBs) nga i-review ang minimum wage sa bilog nga pungsod bangud man sa nagapadayon nga pagtaas sa presyo sang produktong petrolyo.
Ang padayon nga pagsaka sa presyo sang langis bangud sa nagakatabo nga kinagamo sa tunga sa Russia kag Ukraine ang posible basehan sang wage boards nga mag-rekomenda sand pagbag-o sa minimum wage sang mga trabahador.
Suno kay Bello, ang RTWPBs, National Economic Development Authority (NEDA), Department of Trade and Industry (DTI) kag ang iban pa nga labor groups ang nagakadapat nga magbulig sa monitoring sang wage levels kag amo man ang mag-assess sang mga economic factors agud nga ma-determine ang bag-o nga minimum pay.
Sa subong suno kay Bello, ang minimum wage sa National Capital Region (NCR) ang yara sang ₱537, nga suno sa iya posible indi na bastante nga magsuporta sa padayon nga nagataas nga presyo sang mga basic commodities.
Ginalantaw ni Bello nga mapasa sang RTWPBs ang ila rekomendasyon sa bulan sang Abril.
Madamo na sa mga labor groups sa pungsod ang nagamandu nga pasakaan sa ₱750 ang nationwide minimum pay.
