ILOILO CITY- Kinahanglan nga magtutok sa domestic tourists ang mga tourism stakeholders sa Visayas bilang pamaagi agud indi mamierdehan ang industriya sang turismo sa tunga sang coronavirus 2019 ukon COVID-19 outbreak.
Sa interview sang Bombo Radyo kay Office of the Presidential Assistant for Visayas Assistant Secretary Jonji Gonzales, iya ginpahayag nga bangud sa travel ban nga ginpatuman kasunod sang COVID-19 outbreak, dako nga numero sang mga international tourists ang madula.
Suno kay Gonzales, mayorya sang mga turista gikan sa iban nga pungsod ang nagapadulong sa Visayas.
Suno pa kay Gonzales,dako ang potential sang mga domestic tourists nga mangin revenue generating sa mga tourist destinations.
Sa subong suno kay Gonzales, kinahanglan nga magdihon sang mga programa ang sektor sang turismo agud maengganyo ang mga domestic tourist nga mag-padulong sa tourist spots sa Visayas.
Natalana naman nga magsapol ang mga stakeholders sa industriya sang turismo agud makahimo sang mga promotional efforts.
