ILOILO CITY – Bugal para kay Don Lando Layson, isa sa mga sponsor sa Dugong Bombo 2019, nga makabulig sa iya isig ka tawo bisan sa simple nga pamaagi.
Si Don Lando Layson ang magahatag sang libre nga pamahaw sa tanan nga successful blood donor sa Dugong Bombo nga patigayunon buwas nga adlaw sa Iloilo Science and Technology University sa Burgos St., La Paz, Iloilo City.
Suno kay Layson, magahatag siya sang arozcaldo kag tinapay sa mga blood donor nga masami man niya nga ginahimu sa tagsa ka Dugong Bombo.
Ginpahayag ni Layson nga paagi sa pagbuligay sang tanan, madamu nga tawo ang mabuligan.
Bilang isa man sa mga board of director sang Philippine Red Cross, ginpahayag ni Layson nga iya gid nga nahibalu-an kun ano ka iwat ang supply sang dugo rason nga importante ang blood donation.
Sa gamay nga sakit suno sa natungdan, masugpunan ang kabuhi sang isa ka tawo nga nagakinahanglan sang blood transfusion.
