Bukas si four-division world champion Nonito Donaire Jr. sa ideya nga ipusta ang iya WBC world bantamweight title batuk kay IBF world super flyweight champion Jerwin Ancajas.
Ang long-time 115-pounder nga si Ancajas ang nagpabutyag naman sadto nga luyag sini nga makapataas pa sa bantamweight division.
Suno kay Ancajas, luyag niya nga makasambuwa sa sulod sang boxing ring sanday John Riel Casimero kag Donaire para sa ila tagsa ka mga world titles kun hatagan siya sang kahigayunan.
Wala naman sang problema diri si Donaire sa diin win-win situation ini para sa iya apang sa subong, ang goal niya amo nga i-unify ang world titles sa 118 pounds.
