ILOILO CITY- Liwat na naman nga gin-indict si former President Donald Trump may kaangtanan sa iya nangin pagtinguha nga baliskadon ang iya kalutusan sa 2020 presidential election, nga amo ang nagresulta sa natabo nga Jan. 6 attack sa U.S. Capitol.
Si Special counsel Jack Smith ang nag-charge kay Trump sa superseding indictment sa iya federal election interference case.
Ini naga-charge sa anay president sang apat sa gihapon nga counts sang felony charges nga iya gin-atubang sa original indictment: conspiracy to defraud the United States; conspiracy to obstruct an official proceeding; obstruction of and attempt to obstruct an official proceeding; kag conspiracy against rights.
Ini nga superseding indictment ang ginbalik kasunod sang desisyon sang Supreme Court tuhoy sa presidential immunity sang nagligad nga bulan, nga nagpugong sa gobyerno nga maggamit sang pila ka “official acts” nga ginhimo ni Trump bilang parte sang iya papel bilang president sa prosecution.
Matandaan nga sini lang nga Agusto sang nag-plead nga not guilty si Trump sa federal charges angot sa iya plano nga baliskadon ang resulta sang 2020 election agud magpabilin sa poder.
