𝗜𝗟𝗢𝗜𝗟𝗢 𝗖𝗜𝗧𝗬 — Daw kaangay nga ginhublasan ang Museo Iloilo matapos nga ginkuha ni Iloilo City Mayor Jerry Treñas ang pila ka mga donated equipment sa sulod mismo sang museum.
Santo sa panaysayon sang pila ka mga empleyado sang museum, bulan pa lang sang Mayo sang nakabaton na ang Iloilo Cultural Research Foundation Incorporated sang request letter nga kuhaon ang mga donated nga kagamitan.
Nagpangayo naman sang extension ang Iloilo Cultural Research Foundation Incorporated sang anom ka bulan agud nga makapreparar sa pagkuha sang mga artifacts, apang ginhatagan lamang sila sang isa ka bulan nga extension.
Lakip sa mga ginpangbawi sang city government amo ang 100 ka mga bangko, tatlo ka air conditioners, steel cabinets, vacuum cleaner, kag closed-circuit television units.
Ang Museo Iloilo ang yara subong sa pamahala ni Gina Agnes Sarabia-Espinosa, asawa ni former city mayor Jose “Joe” Espinosa III, nga ginabati-bati nga magapadalagan bilang congressman sa syudad.
Una naman nga ginpahayag ni Iloilo City Mayor Jerry Treñas nga ang tikang ang indi pagpamulitika bangud anay na nga ginpabalo ang Museo Iloilo antes paman natigayon nga makuha ang mga equipment.
Nahibaluan nga ang Museo Iloilo ang gintukod sang 1971 kag gindesenyo ni architect Sergio Penasales, nga ginkabig nga pinakauna nga government-sponsored museum sa Pilipinas sa sagwa sang Metro Manila.
