Mas nagadamo ang numero sang Japanese nga mga lalaki ang nagapili nga magpungko sa toilet kun magpangihi.
Ginapahayag nga better choice ini para sa mga lalaki sa Japan ipaanggid sa pagtindog bangud sang indi hungod nga “splashbacks.”
Sandig sa resulta sang survey sang nagligad nga Hunyo, 60 percent sang mga lalaki ang nagapili nga magpungko; kapin tunga sa sini ang nagpahayag nga nag-switch sila ‘from standing’.
Quarter naman sini nga porsyento ang nagsiling nga “native toilet sitters” sila ukon naanad na nga daan nga magpungko kada magpangihi.
Ang online survey sang Japanese toiletries manufacturer nga Lion Corporation ang nagkolekta sang sabat sa 1,500 ka mga lalaki nga nagaedad 20 anyos tubtub 60 anyos.
Total nga 60.9 percent ang naga-prefer nga magpungko sa bowl.
Sa mga nag-switch halin sa standing to sitting, ang una nga rason amo ang talsik nga ila mahimo sa kada pagpangihi, 37.3 percent ang nagsiling nga may ill effects ang urine splashbacks sa ila mismo mata. ##
