Handa ang Department of Science and Technology (DOST) nga magbulig agud nga pangitaon ang mga missing nga mga manugbulang nga gin-alegar nga ginpangtagbong na sa Taal Lake.
Suno kay DOST Secretary Renato Solidum, mahimo sila makapakig-angot sa iban nga mga scientist kag mahimo man nila magamit ang mga instrumento sang ahensya para sa marine monitoring.
“Of course makikipag-ugnayan kami sa ibang scientist, sa tingin naman baka may instrument na kakayahan. May pandagat kami na instrumento na pinondohan ng DOST for marine monitoring—para sa mga isda, mga corals, but we will have to find out kung ‘yung murky conditions ng Taal Lake kaya pa ng ibang mga camera na mayroon,” suno sa tiglikom .
Ginpaathag sang opisyal nga mahimo ihulog ang camera agud malantaw ang remains sang tawo. Mas mahapos ini kag mas safe suno sa iya ipaanggid sa pag-dive ilabi na bangud indi pat-od ang kadalumon sang lugar.
Dugang ni Solidum, ang pinakadako nga pagpanghangkat para sa team nga maga-operate amo ang pagtumod kun sa diin gid nga lugar gintagbong ang mga bangkay.
Pahayag sini, kun matuod ang pahayag sang whistleblower nga didto ang mga bangkay sang mga manugbulang, posible gid nga ma-recover pa ang ila nga mga tul-an sa lake bangud wala ini nagakadunot.
“Ang buto hindi made-decompose. Yung buto walang pakialam ang decomposition doon, ang laman ang nabubulok lang,” suno sa iya.
Paathag pa sang tiglikom, magadepende sa kadalumon kag “oxidizing” content sang lake kun sa diin natagbong ang mga bangkay kun intact pa bala ang lawas sang mga manugbulang ukon yara na sa lebel sang decomposition.
“‘Pag oxidizing, kunwari dito sa lupa, kung iwan mo ang dahon diyan made-decompose yan in time kasi may air ka pa – may oxygen, pag wala nang oxygen hindi na yan made-decompose, mape-preserve so depende ‘yan sa lokasyon,” pagpaathag sini.
Una na nga naghingyo ang gobyerno sang technical assistance sa Japan para nga makabulig man sila sa pag-recover sa mga bangkay.
Nagalapad sang 230 square kilometers ang Taal Lake kag may kadalumon nga 172 metros sa pila ka areas sini.#
