DOT 6 pangunahan ang paghibalo sang epekto sang turismo sa mga mangunguma kag mga mangingisda

ILOILO CITY – Pagapangunahan sang Department of Tourism Region (DOT) 6 ang paghibalo sang epekto sang turismo sa rehiyon sa mga magagmay nga mga mangunguma kag mga mangingisda.
Ini ang paagi sa isa ka forum nga gin-organisa sang ahensya sa Mayo 11, 2017.
Suno kay DOT 6 Regional Director Atty. Helen J. Catalbas, tinutuyo sang proyekto nga mahibaluan kung ngaa apisar sang madamu nga mga turista nga nagapadulong sa rehiyon, gamay sa gihapon ang makita sang mga mangungmua kag mga mangingisda nga amo ang ginakuhaan sang supply sang mga establisyemento komersyal sa rehiyon.
Tan-awon sa amo nga forum suno kay Atty. Catalbas kung ano ang mahimo sang nagkalain lain nga sektor humalin sa mga planning officers sang mga kabanwahanan kag pati na sa mga Tourism Officers kung paano direkta kag epektibo nga makabaligya ang mga mangunguma kag mangingisda sang ila mga produkto.
Dapat mangin inclusive man ang growth sang tanan nga sector nga nagabenepisyo sa turismo suno pa kay Atty. Catalbas.