ILOILO CITY – Nagakahangawa na ang Department of Tourism sa sunod-sunod nga travel warning batok sa Pilipinas partikular sa Visayas.
Sa interview sang Bombo Radyo Iloilo, ginpahayag ni DoT Region 6 director Helen Catalbas nga dako ang epekto sang mga travel warning nga ginpaguwa sang Amerika, Australia kag United Kingdom batok sa Visayas kag Mindanao.
Suno kay Catalbas, tatlo sa lima ka mga airports sa Visayas ang may connecting nga international flights.
Nagapanguna nga tourist market suno kay Catalbas ang Amerika, Europe kag Asya rason nga may dako nga epekto sa turismo ang mga kaangay nga travel advisory.
Ang epekto sini suno sa DoT ang kanselasyon sa bookings sang mga airline kag tour operators.