ILOILO CITY – Nagpaandam ang Department of Tourism sa mangin epekto sang liwat-liwat nga pagtawag ni Presidente Rodrigo Duterte sa Iloilo nga “bedrock of drugs” kag paghingalan sa Visayas nga madata ang illegal drug transaction.
Kasunod ini sang liwat nga pag-mention sang presidente sa iya speech kahapon sa Camp Aguinaldo nga bagsakan sang iligal nga droga ang Iloilo samtang ang Cebu naman ang hotspot sang drugs.
Ginpahayag sa Bombo Radyo Iloilo ni Department of Tourism 6 director Atty. Helen Catalbas nga dapat magserbe ini nga pagpanghangkat.
Apisar nga indi pa mabatyagan suno kay Catalbas ang epekto sini subong sa turismo, indi dapat magkumpiyansa ang mga opisyal kag mga otoridad sa rehiyon.
Suno kay Catalbas, indi lang dapat isalig sa mga tourist destination ang pag-engganyo sa mga turista bangud dapat man pamatud-an sang mga otoridad nga indi makatulublag ang peace and order situation sa rehiyon.