ILOILO CITY – Magasaksi sa mas ginpanami nga Dinagyang Festival 2020 si Department of Tourism Sec. Bernadette Romulo-Puyat.
Ini ang ginpasalig ni Sen. Franklin Drilon kadungan sang pag-umpisa sang 100-day countdown sang Dinagyang 2020.
Sa nangin mensahe ni Drilon, iya ginpahayag nga mismo siya kag si Iloilo City Mayor Jerry Treñas ang nag-imbitar kay Sec. Puyat nga magsaksi sa mas ginpa level-up nga Dinagyang Festival.
Ginpahayag ni Drilon nga indi mapaslawan ang tanan nga magasaksi sa nasambit nga aktibidad bangud nga ipakita diri ang kultura sang Ilonggo kag ang matuod nga sentro sang Dinagyang Festival nga amo si Sr. Sto. Niño.
Naglahog naman si Sec. Puyat nga imbitado siya sa nasambit nga kahiwatan apang wala pa siya sang may nabaton nga imbitasyon.
Suno kay Sec. Puyat, maga-upod ang iya amay nga si Alberto Puyat sa pagasaksi sa Dinagyang Festival.
Kadungan sini, nalangkag na ang tiglikum sa 360 degrees performance sang walo ka competing tribes.
Samtang mismo si Mayor Treñas kaupod ang mga kilala nga perosnalidad ang nag-panguna sa paghanot sang drum bilang palatandaan sang promal nga pag-umpisa sang 100-day countdown.
Kadungan sang countdown, ginlunsyar man ang Meetings, Incentives, Conferences, Exhibitions (MICE) Campaign sa Iloilo Convention Center.
