Gin-ako sang Department of Transportation nga imposible pa nga tugutan ang pag angkas sa mga motorsiklo sa mga lugar nga yara pa sa idalom sang general community quarantine.
Suno kay Department of Transportation Asec. Goddes Libiran, mangin dako nga pagpanghangkat sa mga enforcers ang pagtsekyar nga magkapamilya ukon kun bala gikan sa isa ka balay lang ang naga angkasanay sa motorsiklo.
Dugang pa, indi man mangin mahapos nga mahibaluan kun bala driver ukon nagapakuno-kuno lang nga mag-asawa ang mga sakay sang motor.
Madumduman nga pila ka mga local government units lakip na ang mga mamalidha ang nanawagan nga tugutan na ang motorcycle back riding sa mga magpamilya nga naga tinir sa isa ka balay sa mga GCQ areas.
Ginpahayag ni Asec. Libiran nga kinahanglan magpabilin nga uniformed ukon patas ang enforcement sang gobyerno sa mga ginapatuman nga protocols ini bangud sa idalom sang GCQ, limitado man sa gihapon ang mahimo isakay sa public utility vehicles nga gintugtan nga makabyahe liwat kaangay nalang sang mga tren, bus augmentation, taxi kag mga transport network vehicle services.
