Gin-anunsyo sang Department of Transportation (DOTr) nga balik-normal na ang operasyon sang mga apektado nga biyahe sang Airbus matapos ang global software upgrade.
Ginpahayag ni DOTr Secretary Giovanni Lopez nga gindalian sang mga airline company para mabuligan ang masobra 15,000 ka pasahero nga apektado sa Philippine-flagged carriers.
Nahibaluan nga ang global system upgrade para sa Airbus A320 kag A321 aircraft nakaapekto sa masobra 15,000 ka pasahero sa Pilipinas, kag naka-apekto sang pagkadelay sang masobra 93 ka local flights.
Gin-anunsyo naman sang Europe-based Airbus sang Biyernes nga ginamandoan sini ang gilayon ang pagkaayo sa 6,000 ka eroplano nga kabahin sang isa ka daku nga recall nga nakaapekto sa kapin sa tunga sang global fleet.
