Indi pabor ang Department of Transportation (DOTr) nga pasakaan ang plete sa mga pampubliko nga salakyan.
Ginpahayag ini ni Transport Secretary Arthur Tugade kasunod man sang statement ni Socioeconomic Planning Secretary and National Economic and Development Authority (NEDA) chief Karl Kendrick Chua nga kun pasakaon ang minimum jeepney fare kag ang minimum wage, buot silingon, magasaka man ang inflation rate sang pungsod sa 5.1%.
Kun basehan lang ang position sang DOTr, indi na dapat pagpasakaan ang plete kundi batunon na lang sang mga driver ang ayuda bilang subsidy.
Una diri, may mga public utility vehicle (PUV) drivers kag operators nga nag-file sang petition agud nga pasakaon ang plete bangud man sang asud-asud nga pagsaka sa presyo sang gatong.
Subong nga semana, nag-umpisa naman ang gobyerno sa pagpanagtag sang P6,500 nga fuel subsidies sa masobra 377,000 ka kwalipikado nga PUV drivers kag operators. ##
