πππ’πππ’ πππ§π¬ β Gin-athag sang Department of Public Works and Highways (DPWH) Region 6 nga wala sang may gin-revoke nga infrastructure project sa Iloilo City luwas sa seawall nga project sa Brgy. Rizal Pala-Pala 1, 2, kag Tanza Bonifacio, Iloilo City nga ginpauntat ni Iloilo City Mayor Jerry TreΓ±as.
Sa interview sang Bombo Radyo kay Engr. Sanny Boy Oropel, Regional Director sang Department of Public Works and Highways Region 6, iya ginpahayag nga yara na sila sa proseso sang pag-eksplekar nga ang proyekto ang indi isa ka reclamation project bangud isa ini ka standalone project nga makabulig protekta sa mga panimalay sa lugar kun high tide kag may bagyo.
Suno kay Oropel, may nasekyar na sila sang statement nga naghalin sa Philippine Reclamation Authority nga pamatuod nga ang ila proyekto ang indi isa ka reklamasyon bangud isa lamang ini ka stand alone structure.
Ginarespeto man sang natungdan ang nangin desisyon ni Mayor TreΓ±as nga pauntaton ang pagpatukod sang sea wall, sa diin, nagpasigurado man ini nga sundon ang tanan nga rekisitos nga ginapangayo sang city government agud nga mapadayon ang proyekto.
Nahibaluan nga ginpauntat sang city council ang sea wall project bangud wala sila nakakuha sang permit halin sa City Government, City Environment and Natural Resources Office, Philippine Ports Authority, kag Philippine Reclamation Authority.
