Gin-athag sang Department of Public Works and Highways (DPWH) Region 6 nga ginahulat pa ang dugang nga pondo agud nga makaayo ang Aganan Flyover.
Sa interview sang Bombo Radyo kay Engineer Sanny Boy Oropel, Director sang DPWH 6, iya ginpahayag nga nagmando na sila sa kontraktor sang proyekto nga magpatuman sang clearing sa mga porsyon nga wala matapos ubra.
Suno kay Oropel, unahon ang amo nga porsyon nga i-jet grouting agud nga masugponan.
Ginpahayag man sini nga magasugod ang jet grouting subong nga semana.
I-evaluate naman sang talatapan ang dugang nga areas sang Aganan Flyover agud nga matumod kon sa diin ang kinahanglan unahon.
Gin-athag man ni Oropel nga ang ginagamit subong nga pondo sa jet grouting amo ang wala nagamit nga pondo sa original nga kontrata sang proyekto.
Nahibaluan nga si anay Senador Franklin M. Drilon nagpanawagan sa Kongreso nga magkuha sang dugang nga pondo para sa P802-million nga proyekto.
