Naghatag sang suhestyon ang Department of Public Works and Highways (DPWH) nga ipahamtang sa left side ukon na-wala nga bahin sang dalan sa Iloilo Sunset Boulevard ang pagatukuron nga parking space.
Sa interview sang Bombo Radyo kay Retired Police Colonel Uldarico Garbanzos, head sang Iloilo City Traffic and Transportation Management Office (ITTMO), iya ginpahayag nga ang parking ang mangin palaagyan man agud mabuhinan ang traffic congestion sa lugar.
Suno kay Garbanzos, nakit-an sang DPWH nga mas madamo ang naga-agi sa right side sang dalan rason nga mas ginpakamaayo nga sa left side ang ginpili nga himuon nga parking space.
Gin-athag man sini nga dumulian ang grilling ukon ang pagsugba sa lugar bangud kadam-an sa mga nagasugba sa lugar ang ginahaboy ang ila used oil sa drainage sang dalan nga nagatuga sang pag-clog.
