𝗜𝗟𝗢𝗜𝗟𝗢 𝗖𝗜𝗧𝗬 — Ginkumpima sang Department of Public Works and Highways (DPWH) Region 6 nga nakasugod na sila tandog sang mga gamit agud nga tukoron ang sea wall sa Barangay Rizal Pala-Pala 1, 2, kag Barangay Estanzuela, Iloilo City.
Ini kasunod man sang ginpauntat sang city government ang proyekto bangud sa kakulangan ang permit.
Sa interview sang Bombo Radyo kay Engineer Sanny Boy Oropel, Regional Director sang Department of Public Works and Highways (DPWH) Region 6, iya ginpahayag nga magasunod ang ahensya sa mga ginplastar nga kondisyon sang city government.
Suno kay Oropel, lakip man sa gihapon sa ginapangayo sang konseho amo ang mga permits, kon sa diin, gintugutan sila nga padayunon ang pag-ubra samtang nagaproseso sang mga requirements agud nga mapasa.
Ginpahayag man sini nga dako ang iya ginpagpabasalamat sa kay Iloilo City Mayor Jerry Treñas kag city council sa pagpamati sang ila nga pagpaathag sa ila nga bahin nahanungod sa proyekto.
Liwat naman nga ginpapanindugan sang natungdan nga standalone structure ang sea wall kag wala sang reclamation nga matabo.
