PAVIA, ILOILO – Gin-athag sang Department of Public Works and Highways (DPWH) Region 6 nga ang proseso sang jet grouting sa Ungka Flyover ang gina-enclose sa isa ka parameter ukon kondisyon sang proyekto.
Sa interview sang Bombo Radyo kay Engineer Sanny Boy Oropel, Regional Director sang Department of Public Works and Highways Region 6, iya ginpahayag nga kon nagapatuman sang bore hold drilling, may mga sample nga ginapaguwa halin sa underground kaangay na lamang sang mga higko.
Suno kay Oropel, indi mahimo nga wala sang higko bangud masami nga yara gid na kon ginapatuman ang amo nga proseso.
Ginpahayag man sini nga nag-instruct naman ang ahensya sa kontraktor nga ipabilin ang presensya sang housekeeping 24/7, agud nga kon hinali nga maglapaw sa parameter wall, gilayon nga malimpyohan.
Gin-athag man sini nga liwat niya nga ipahanumdom sa kontraktor ang ila obligasyon nga limpyohan ang ila inagyan matapos ang jet grouting.
Nagpasalig man ini nga ginatinghuwaan ang ahensya nga mabuksan ang Ungka Flyover sa iya nga full capacity subong nga tuig.
Nagalaum naman ang natungdan nga kon matapos ang bidding sa phase 2 sang proyekto, possible nga mabuksan ang flyover sa kataposan ang Nobyembre subong nga tuig.
