ILOILO CITY- Nagapadayon ang pagpatukod sang Department of Public Works and Highways sang mga quarantine facilities sa nanuhay-tuhay nga bahin sang rehiyon bilang kabahin sang pagpakig-away batok sa COVID-19.
Sa interview sang Bombo Radyo kay Engr. Jose Al Fruto, Assistant Regional Director sang Department of Public Works and Highways Region 6, iya ginpahayag nga sa Iloilo City, kabahin sang ila na natukod amo ang 16-bed quarantine facility sa Barangay Sooc, Arevalo nga may upod pa nga off-site dormitory sa compound; kag gin-upgrade nga gymnasium sa Iloilo Sports Complex agud himuon man nga quarantine facility.
Suno kay Fruto, ang nasambit nga mga quarantine facilities ang nakompleto na kag na turn-over na sa syudad sang Iloilo.
Pahayag pa sang natungdan, ini nga mga accomplishments ang resulta sang kolaborasyon sang DPWH, Local Government Unit, kag Department of Health.
