Ginalantaw sang Department of Public Works and Highways (DPWH) Region 6 nga tun-an ang posibilidad sa pagpa-agi sang mga motorsiklo sa Ungka Flyover.
Sa interview sang Bombo Radyo kay Engineer Jose Al Fruto, Asst. Regional Director Department of Public Works and Highways Region 6, iya ginpahayag nga may mga kulang pa nga mga parte ang flyover lakip na ang pila ka railings para sa mga two-wheel vehicle rason nga wala anay sila ginapahanugutan nga mag-agi.
Dugang niya, kinahanglan anay nga established ang mga furniture antes buksan sa tanan nga motorista.
Suno kay Fruto, kon matigayon matun-an ang plano may mga layi man nga pwede magamit sa national road agud sila mapahanugutan.
Ginpakigbahin man sini nga apisar sang madamo nga mga pagpanghangkat nga naatubang sang ahensya, kinahanglan sa gihapon nga hatagan sang kredito si Engineer Sanny Boy Oropel sa iya pagtinguha nga mabuksan ang Ungka Flyover.
