Gin-aresto sa Taal, Batangas ang isa ka district engineer sang Department of Public Works and Highways (DPWH) bangud sa ginaalegar nga pag-bribe sang pila ka beses kay Batangas 1st District Rep. Leandro Leviste.
Ginpahayag nga gintuyo nga bayaran sang amo nga district engineer si Leviste sang kapin P3.1 million agud pauntaton ang imbestigasyon sang mamalidha sa ginaalegar nga iregularidad sa infrastructure projects sang probinsya.
Ang arestado amo ang 51-anyos nga si alyas “Abe”.
Suno sa imbestigasyon, P3,126,900 ang gintanyag ni “Abe” kay Leviste sang adlaw nga gin-aresto ini agud pauntaton ang mamalidha sa imbestigasyon sa anomaliya sa proyekto sang DPWH sa first district sang Batangas.
Nagpatigayon sang entrapment operation ang kapulisan nga nagresulta sa pagkaaresto sa engineer.
Narekober naman sa iya ang bribe money.
Mangatubang si alyas “Abe” sang kaso nga paglapas sa Article 212 sang Revised Penal Code (corruption of public officials) kag Republic Act No. 3019 ukon ang Anti-Graft and Corrupt Practices Act.
 bangud sa ginaalegar nga pag-bribe sang pila ka beses kay Batangas 1st District Rep. Leandro Leviste.){kind=link}