ILOILO CITY – Ginatahod sang Department of Public Works and Highways (DPWH) Region 6 ang pahayag ni Engr. Nilo Jardeleza tuhoy sa water retention facility sa Jalandoni St., City Proper.
Ini matapos ginpahayag ni Gustilo nga ang amo nga proyekto ang rason sang pagbaha sa siyudad apisar indi mamunog ang ulan.
Wala man masunod ang comprehensive drainage plan suno kay Jardeleza sa pagtukod sang amo nga proyekto.
Sa interview sang Bombo Radyo kay Engr. Mahvi Gustilo, project engineer sang DPWH-6, ginpahayag sini nga ila ginarespeto ang pahayag ni Jardeleza tuhoy sa proyekto.
Sa pihak sini, ginpanindugan ni Gustilo nga nag-agi sa pagtu-on sang mga eksperto ang amo nga proyekto.
Sa subong suno kay Gustilo, indi pa makita kag mabatyagan ang epekto sang proyekto bangud nga wala pa man ini matapos.
Mas makapaayo pa gid suno kay Gustilo kun matapos na ang isa pa ka water pumping station nga gamiton agud nga suyupon ang sobra nga tubig nga unod sang water retention facility.