ILOILO CITY– Ginpatpat sang Department of Public Works and Highways kun ano ang ginatawag nga national highway.
Ini ang may kaangtanan sa executive order nga ginpaguwa sang Department of the Interior and Local Government nga nagadumili sa mga tricycle kag trisikad nga magbyahe sa mga national highway.
Sa interview sang Bombo Radyo kay Iloilo City District Engineering Head Engr. Rodney Gustilo, iya ginpahayag nga ang mga national highway amo ang mga karsada nga nagakonekta sang mga syudad, probinsya kag kabanwahanan.
Suno kay Gustilo, sa mga national highway nagalabay ang dalagko nga mga salakyan nga may yara sang madasig nga speed limit.
Indi tanan nga national road suno sa natungdan ang makabig nga national highway.
