ILOILO CITY – Padayun ang paghimo sang mga drainage system sang Department of Public Works and Highways agud mahagan-hagan ang epekto sang pagbaha sa Mandurriao, Iloilo City.
Sa interview sang Bombo Radyo kay Department of Public Works and Highways Iloilo City District Engr. Rodney Gustilo, iya ginpahayag nga nagalabay sa suba nga natung-an sang Brgy. Pakiad, Oton, Iloilo kag Brgy. Calajunan, Mandurriao, Iloilo City rason nga nagabaha sa pila ka mga lugar sa Mandurriao sa tion nga magbubo ang mabaskog nga ulan.
Suno kay Gustilo, ini ang ginatunaan sang pagtaas sang lebel sang tubig sa Barangay Oñate De Leon, Mandurriao Public Cemetery kag isa ka private subdivision.
Ang tubig sa suba ang nagahalin sa Hibao-an Sur, Hibao-an Norte kag Pali Benedicto kag bangud barado ang drainage, indi gilayun makaguwa ang tubig.
Sa subong suno sa natungdan, padayun ang ila paghimo sang dugang nga drainage system bangud nga indi na maka-agwanta pa sang baha ang mga pumuluyo.
