Nag-resign na sa posisyon si Department of Public Works and Highways (DPWH) Undersecretary Arrey Perez matapos ginhingadlan ni Batangas 1st District Rep. Leandro Leviste nga may kakilala ini nga flood control contractors.
Ginkumpirma ini ni Secretary Vince Dizon subong nga hapon, Oktubre 17.
Suno kay Dizon, nagpasa si Perez sang irrevocable resignation agud nga mahatagan sang ligwa ang imbestigasyon kag agud nga malikawan nga mangin distraction samtang nga yara siya sa ahensya.
Apang suno kay Dizon, magapadayon ang imbestigasyon kay Perez apisar pa nga nagpanaog na ini sa iya nga posisyon.
Pahayag sang tiglikom, ang mga imbestigasyon sa DPWH ang indi maapektuhan sang mga personalidad ukon pulitiko. Wala sang paboran sa cleansing process suno sa iya — bisan nga ang mga tawo nga involved ang nag-resign na ukon halin sa nagligad nga administrasyon, ukon bisan pa kun ini nga mga tawo ang ginpasulod mismo ni Dizon sa ahensya.
Matandaan nga ginbulgar ni Leviste ang pangalan ni Perez kaina sang aga matapos ginhangkat siya ni Dizon nga magsapubliko sang mga pangalan sang DPWH officials nga involved sa mga kontraktor.
Una naman nga gin-athag ni Leviste nga “multiple sources” ang iya ginbasehan apang ini ang verbal gid lamang nga mga impormasyon.#
