ILOILO CITY – Bukas si Department of Public Works and Highways Region VI director Engr. Nerie Bueno sa mga inquiry may kaangtanan sa mga depektuso nga flyovers.
Sa interview sang Bombo Radyo kay Bueno, iya ginpahayag nga wala man siya sang may isabat sa mga palamangkutanon bangud nga ulihi lamang siya nagpungko bilang direktor.
Gin-athag man sini nga ginhimo naman niya ang iya obligasyon sang siya ang nagpungko.
Sa pagkamatuod suno sa direktor, makapila siya ka beses nga nagpadulong sa central office bangud sang pressure nga iya nabatyagan.
Siya ang yara diri sa rehiyon gani siya ang masami nga nakabaton sang kritisismo nagikan sa publiko.
Apang, gin-athag niya nga wala man siya sang reklamo sa tanan nga ginahaboy sa iya magluwas lamang kun personal na siya nga gina-atake.
Samtang, wala man sang problema sa iya kun may yara sang mga gina-request ang mga opisyal kun ang intensyon amo nga makapangita sang solusyon sa problema sa Ungka flyover.
Apang suno sa iya, responsibilidad na sang ila ahensya ang amo nga trabaho.
