ILOILO CITY- Gin-appoint na ni Iloilo City Mayor Jerry Treñas si Dr. Roland Jay Fortuna, Medical Officer sang Iloilo City Health Office bilang focal person for coronavirus.
Sa interview sang Bombo Radyo kay Mayor Treñas, iya ginpahayag nga mangin katungdanan ni Dr. Fortuna nga magpatigayon sang koordinasyon upod sa Department of Health agud mapalab-ot kag mapaathag sa publiko ang tuhoy sa virus.
Suno kay Treñas, activated naman ang mga health centers sa bilog nga syudad.
Suno pa sa iya , padayon man ang ila advisory sa publiko tuhoy sa proper hygiene agud malikawan nga matapikan sang corona virus.
Magluwas diri, may yara man sang ginapanagtag nga leaflets agud madugangan pa gid ang ihibalo sang publiko tuhoy sa nasambit nga health scare.
