ILOILO CITY – Magabalik bilang Schools Division Superintendent sang Department of Education- Division of Iloilo City si Dr. Ma. Luz Delos Reyes epektibo bwas nga adlaw.
Si De Los Reyes ang nangin Schools Division Superintendent man sang Division of Iloilo City antes nangin division school head sa Department of Education- Division of Iloilo Province.
Sa interview sang Bombo Radyo kay Mr. Hernani Escullar, Jr., spokesperson sang Department of Education- Region VI, iya ginpahayag nga ini ang base sa mandu nagikan sa operations division sang Department of Education- Central Office.
Si Delos Reyes ang buslan ni Dr. Ernesto Servillon, Jr. nga nagikan sa Schools Division of Guimaras.
Si Dr. Novelyn Vilchez naman ang mangin officer-in-charge sa Department of Education- Schools Division of Guimaras, tal-os kay Servillon.
Wala particular nga natumod ang rason sang reshuffling apang suno kay Escullar, base sa pagsulundan sang ahensya, ang mga school division superintendents ang ginasaylo sa iban nga division sa tion nga magdangat na sa tatlo ka tuig ang ila nga pagserbisyo.
Hunyo 9, 2022 sang pormal nga gin-install si Delos Reyes sa Department of Education- Schools Division of Iloilo
