AYALA, MAKATI CITY – Ginkilala ni Senate Committee on Banks, Financial Institutions and Currencies Chairperson Sen. Grace Poe ang isa sa mga trustee sang Chamber of Thrift Banks nga si Dr. Rogelio M. Florete Sr. nga chairman sang Florete Group of Companies.
Sa mensahe nga ginhatag ni Poe sa mga chamber officer kag member sa isa ka pagtililipon sa Ayala, Makati City, gindayaw sang senador ang daku nga papel ni Dr. Florete sa thrift banking sector kag sa pagtukod sa pinakamasaligan nga “news source” sa pungsod, ang Bombo Radyo Philippines.
Suno kay Poe, ang ginatungdan nga papel ni Dr. Florete ang nagadala kag nagatuga sang “impact” sa kabuhi sang kadam-an kag padayon nga nagabulig sa pag-angkon sang demokrasya ilabi na sa patag sang pagwaragwag.
Gin-ako sang senadora nga isa si Dr. Florete sa iya gina-idolo ukon ginadayaw ilabi na sa mga pamaagi sang pagpamuno kag pagdumala.
