ILOILO CITY – Libre na nga maeksperyensyahan ang pagsakay kag pagbugsay sang Dragonboat sa Iloilo City.
Sa interview sang Bombo Radyo kay Raphael Dorilag, President sang Iloilo Paddlers Club, iya ginpahayag nga nag-umpisa na subong nga adlaw ang free Dragonboat Clinic kag magadugay sa Hunyo 9.
Suno kay Dorilag, kabahin ini sang ila commitment nga mag-promote ang pinasahi nga sports.
Bukas naman para sa tanan ang Dragonboat Clinic sa diin mahimo mag-register on site sa Esplanade 1.
Mahatagan naman sang kahigayunan ang mga magapasakop sa event nga mangin kabahin sa ulihi sang Dragonboat team sang syudad.
