ILOILO CITY – Ginakabalak-an nga liwat na naman nga magtuga sang pagbaha ang gina-ubra nga drainage sa idalom sang Ungka flyover bilang kabahin sang road widening project.
Ang road widening ang nakita nga temporaryo nga solusyon agud nga ma-decongest ang trapiko bangud indi sa gihapon mahimo nga maagyan ang flyover bangud nga may yara sang paghulag sa gihapon sa pundasyon sini.
Sa interview sang Bombo Radyo kay Carlos Aguirre, residente sang lugar, iya ginpahayag nga sang ginkay-o ang drainage sang lain nga contractor, nagbaha man ang lugar.
Kagab-i, nagbutang na sang tamburong ang International Builder’s Corporation kag liwat nga gin-ab-ab ang una na nga gin-semento nga bahin sang kalsada.
Magluwas sa pagbaha, ginapanan-aw nga maglala pagid ang trapiko sa lugar.
