Ginabanta nga matapos ang drainage system project sang Department of Public Works and Highways (DPWH) sa JM Basa St., Iloilo City Proper pagkatapos sang paskwa.
Sa interview sang Bombo Radyo kay Ret. Police Colonel Uldarico Garbanzos, head sang Iloilo City Traffic Unit (ICTMU), iya ginpahayag nga gamay na lang gid ang mga talapuson sa proyekto kag matigayon na nga matapos.
Suno kay Garbanzos, apektado ang trapiko sa amo nga dalan kon indi ini gilayon matapos ilabi na nga may mga nagaplastar na nga mga vendors subong nga holiday season kasunod man sang pagpahanugot sang executive order 159.
Ginpahayag man sang natungdan nga ang pagpadasig tapos sang proyekto ang makahatag man sang tayuyon nga dalagan sang trapiko sa downtown area.
Gin-ako man ni Garbanzos nga may humper nga nagakatabo bangud sa padayon nga pag-ubra sang drainage.
