Ginlaslasan ni Senate Minority Leader Franklin Drilon ang Kamara bangud sang ginapahayag paglapas sini sa tradisyon sa Kongreso kun sa diin indi pwede maghilabtanay ang Kamara kag ang Senado.
Suno kay Drilon, ginbalewala sang Kamara ang inter-parliamentary courtesy bangud gintuyo sini nga i-discredit ang imbestigasyon sang Senado sa pandemic deals sang Duterte administration.
Matter of courtesy suno kay Drilon ang dapat dumdumon sang mga mamalidha sa Kamara kun magkomento sa mga hearing sa Senado.
Nahibaluan nga nangin paborito nga laslasan ni Presidente Rodrigo Duterte ang Senate Blue Ribbon Committee halin pa sang nagligad nga bulan bangud sang pag-isa-isa sang mga senador sa multibillion-peso pandemic deals sang gobyerno sa Pharmally Pharmaceutical Corporation.
Sa pihak nga bahin, talalupangdon man nga ang Duterte-controlled nga Kamara ang nagpatigayon man sang ila kaugalingon nga hearing agud ma-counter ang findings sang Senate kag agud madepensahan ang mga kontrata sang Duterte government.
