ILOILO CITY-Nagapati ang isa ka opposition senator nga mangin source lamang sang kinawatay ang pondo nga ipain sa National Task Force to End Local Armed Conflict (NTF-ELCAC).
Sa interview sang Bombo Radyo kay Senate Minority Leader Franklin Drilon, iya ginpahayag nga mas maayo nga i- realign ang P19-billion proposed fund para sa National Task Force to End Local Communist Armed Conflict, lakip na ang P16.4-billion nga pondo nga ihatag sa 820 insurgency-free communities sa diin 20 million ang batunon sang kada barangay.
Suno sa Ilonggo nga senador, sa baylo nga itigana sa anti-insurgency ang amo nga kantidad kag mangutang pa ang Pilipinas sang 9 billion dollars para sa away batok sa COVID-19, mas maayo nga gastuhon nalang ang P19B sa pagbakal sang COVID-19 vaccine.
Pahayag pa ni Drilon, wala sang pulos ang mga proyekto kaangay sang farm to market roads kag mga trainings kun indi mahatagan sang bakuna ang minilyon nga mga Pilipino.
